Huset med den hemmelege takterrassen

I Tunveien 5 i Sandnes står eit funkishus med saltak. Dette taket gøymer ein skjult oase.

Står du ved fasaden av huset og ser nøye etter, kan du så vidt skimta ein liten sprekk i taket langt der oppe. Der går Eileen Oftedal og steller epletrea sine, langt over terrassane til dei andre i nabolaget. Neste sommar skal ho også ha urtehagen sin her.

Takterrassen er heile 60 kvadratmeter og er eit av dei mest brukte områda i huset med eit primærareal på 380 kvadratmeter.