Dei bur i ei gammal løe midt i byen

Det moderne huset til Lars Christian Jensen og Camilla Hetland er inspirert av ei gammal løe.

Dei to budde fram til juni i fjor i ein 70 kvadratmeter stor leilegheit på Grünerløkka i Oslo. Etter mange år i hovudstaden var dei innstilte på å flytta til Camilla sine heimtrakter. Det var søster til Camilla som visste om det nybygde huset, like i nærleiken av der ho sjølv bur.

Fleire småbruk låg i gamle dagar langs Forusstranda. No er desse byggefelt. Løa i Oddahagen var riven ei stund før arkitekt Anders Westlye Sølvberg frå Vestly arkitektur kom inn i bildet. Reguleringsplanen for området la klare føringar for korleis nybygget på den gamle løetomta skulle sjå ut, fortel han.