Chromebook i skulen skapar vanskar for nynorsken: – Det minner om dansketida på nytt

Teknologigigantane køyrer over nynorskbrukarane i skulen, meiner Noregs Mållag. – Elevane sukkar og stønner, seier lærar.

– Eg ser jo at resultata er gått ned etter at elevane mine byrja med Chromebook, seier norsklærar Laila Iren Rossavik.

Tiandeklassingane hennar på Forsand skule i Rogaland nyttar nynorsk i så godt som alle fag. Dei merkar konsekvensane av at den nye kommunen deira, Sandnes, har gitt alle elevane ein ny Chromebook.