Handikapplassar måtte vika for nytt sykkelfelt. Det er ikkje første gong det skjer i Oslo.

Ein aukande andel av befolkninga er fysisk utestengt frå Oslo.

Utan bevisst planlegging for å ivareta alle går det fort gale. Det ser vi akkurat no eit grelt eksempel på Vinderen. Her var det plassert handikapplassar rett utanfor døra til nærsenteret, med legekontor, fysikalsk institutt, apotek, fotpleiar, kafé og butikkar.

Det var heilt i tråd med Oslo kommunes felles prinsipp for universell utforming. Dei slår fast at HC-plassar skal ligge nærast mogeleg målpunkt. Det vil sei der folk skal.