Likestilt og klassedelt på viddene

Færre og færre er furet og værbitt, fleire og fleire ser ut til å meine at #liveterbestinne.

Mens Bjørnstjerne Bjørnson sat der og sleit med å finne ord som rimar på «landet», greidde den langt mindre krampaktige Henrik Ibsen i diktet Paa Vidderne å fange sjølve essensen av det norske i eitt enkelt ord, eit ord som stadig blir omtala i internasjonale, toneangivande magasin: friluftsliv.

Foreldra mine gjorde nesten alt rett. Kvar søndag gjekk heile familien fjellturar i timevis, før me køyrde heim og åt biff stroganoff. Alt rett, bortsett frå éin ting: Det var aldri noko Kvikk Lunsj i tursekken. Ingenting som gjorde det verdt å gå slik og traske oppover seige skrentar og stolpre seg ned tronge juv.