Stopp sjukeleggjeringa av intersexbarn | Vetle Mikkelsen

Si ;D-innlegg: Kvifor er vi så desperate etter å oppretthalde ein norm for korleis kjønnsorgan skal sjå ut?

Kvart år vert 10-12 barn fødde med såkalla «uklare kjønnskarakteristikkar» i Noreg. Desse karakteristikkane kan vera uvanleg hormonbalanse, uvanlege kjønnskromosom, eller kjønnsorgan som ikkje heilt kan kategoriserast som penis eller vagina. Desse barna går inn under diagnosen intersex.

Praksisen er ofte operasjonPraksisen for mange av tilfella der barnet har ubestemmelege kjønnsorgan, er at det vert utført operasjonar på barnet. I dei fleste tilfelle er det snakk om heilt friske kroppar, med heilt friske kjønnsorgan. Dei fleste kjønnskorrigerande operasjonane på intersexbarn er med andre ord kosmetiske, og skal sikre at kjønnsorganet ser «normalt» ut. Dette er eit overgrep mot barnet det gjeld!

Det er snakk om ei sjukeleggjering av fullstendig friske kroppar, berre fordi dei ikkje ser ut som samfunnet seier at ein kropp skal sjå ut. Det finst allereie eit enormt mangfald av kroppar. Alle kroppar er ulike, og alle kjønnsorgan er ulike. Kvifor er vi då så desperate etter å oppretthalde ein norm for korleis kjønnsorgan skal sjå ut?

Mange kjenner seg ikkje heime i kjønnet det vart plassert i

Eg meiner det burde vera ein sjølvfølge at folk skal kunne bestemme over eigen kropp. Slik er det per dags dato ikkje for intersexbarn, og det må det gjerast noko med! Sjølvsagt finst det intersexpersonar som er nøgd med valet som vart teke for dei i ung alder. Men mange kjenner seg ikkje heime i det kjønnet dei blei operert til å passe inn i.

Mange skulle ynskje at legen hadde valt det andre kjønnet. Andre, igjen, skulle ynskje dei fortsatt hadde dei opphavlege kjønnsorgana sine.

Felles for dei alle saman, er at det skulle vore deira val til å byrje med.

Følg Aftenposten Si ;D påFacebook, Twitter og Snapchat (aft.sid).

Tre anbefalte Si ;D-innlegg om seksualitet:

Menstruasjon blir fremstilt som noe traumatisk:

Er jeg fremdeles jomfru?

Jakob Semb Aasmundsen:

Si ;D har egen podkast!

Abonnér på den i iTunes ved å trykke her.

Hør siste episode!

Hvorfor er det færre unge som er kristne i dag? Vi spør!

Hva er tabu i dag? Vi spør ungdom hva de ikke tør å snakke om. – Med en gang vi beveger oss ned i underlivet, er vi i tabuland

Vetle Mikkselsen (20)