– Ein skikkeleg dritfisk

Fleire fritidsfiskarar meiner å ha fanga pukkellaks i Frafjordelva i løpet av helga. Allereie i mai var forskarar og fiskarar spente på om også 2021 kom til å bli eit pukkellaksår.

(Stavanger Aftenblad): Laurdag formiddag var fritidsfiskar Daniel Tonning frå Sandnes ute og fiska i Frafjordelva saman med ein kompis. Men fangsten blei ikkje som han drøymde om.

– Dette er første gong eg har fått ein pukkellaks. Då eg drog han opp, blei eg litt skuffa og tenkte det var ein skikkeleg dritfisk, seier Tonning.