Fotball

Hødd skal teste to nye spelarar mot Molde

Hødd-trenar Kevin Knappen vil ikkje avsløre kven som skal prøvespele i årets første treningskamp.

Hødd-trenar Kevin Knappen får ei tøff nøtt når Molde er årets første motstandar på Aker stadion laurdag.
  • Kristian Stenerud

Etter nesten tre veker på treningsfeltet skal Hødd i aksjon på Aker stadion mot sjølvaste Molde laurdag.

– Det blir spennande å få teste seg mot ein så god klubb allereie i den første kampen. Vi trur Molde stiller sterkt mot oss. Sjølv kjem vi til å bruke alle spelarane som er med, men det blir ikkje like mykje speletid på alle, seier Hødd-trenar Kevin Knappen.

Hødd har planlagt treningskampar mot Spjelkavik (neste fredag), AaFK, Brattvåg, AaFK 2, Florø, Træff og Molde 2 før seriestarten mot Florø 13. april.

Les også

AaFK Fortuna foreslår drastiske endringer i 2. divisjon: – Det er for stor nivåforskjell

Prøvespelarar

– Vi har hatt ein bra oppstart der vi har fått gjort det vi skulle jobbe med, og det ser ut som spelarane har tolt belastninga. Vi skal trene mengde i denne perioden, men det gjer meg ikkje noko at det er tunge bein inn mot kampen, seier Knappen.

Han må klare seg utan nysigneringa Martin Mork Breivik mot Molde, som slit litt med ei skade. Men Knappen kan glede seg over at han får med seg to prøvespelarar i treningskampen, som han ikkje vil avsløre namnet på.

– Det er snakk om ein midtstoppar og ein midtbanespelar. Sistnemnde er ein spelar med erfaring frå dokumentert nivå, men midtstopparen er meir eit ubeskreve blad, seier Hødd-trenaren.

Les også

Nykommeren advarer Andreas Lie: – Jeg er kommet for å erobre plassen som førstekeeper

Håper på treningsleir

– Tek det lang tid før Knappen-stilen sit?

– Nei, det må skje raskt. Du har ikkje så mykje tid som trenar til å få det på plass, men dette er ikkje noko hokuspokus. Ein kan seie at Hødd skal meir tilbake til røtene. Eg hugsar sjølv kor vondt det var å kome til Høddvoll som spelar.

Knappen håper det kan vere mogleg å få til ein treningsleir før sesongstarten.

– Det er noko vi må finne midlar til om det skal skje. Det blir ein leir med berre treningar i tilfelle, seier Hødd-trenaren.

Ny episode av podkasten Sunnmørsball er ute nå. Hør hvordan AaFK har håndtert saken rundt Pape Habib Gueye, og ikke minst hva AaFK ønsker å gjøre i dette overgangsvinduet.

Hør hele episoden her:

Les mer om

  1. Hødd
  2. Fotball 2. div