Mjelde sitt Åsane byrjar å ta form

Tre nye signeringar og tre sigrar er fasit etter starten på 2017. Snart ventar tøffare motstand for Åsane.

Ny keeper, midtbanespelar og spiss er allereie på plass. Om Åsane får det som dei vil, blir også forsvarsrekkja styrkja i nær framtid.

– Me legg ikkje skjul på at me ønskjer oss Branns Fredrik Heggland. Me er i tett dialog med spelaren og klubben, og vonar det løyser seg fortast mogeleg, seier sportsleg leiar Trond Bjørndal.