Brendesæter om at sparkinga blei omgjort: – Geirmund betyr ingenting oppi dette

Geirmund Brendesæter fekk først beskjed om å gi seg som Bremnes-trenar, men får no halda fram i jobben.

På grasmatta på Sentralidrettsanlegget på Bømlo stod Geirmund Brendesæter og kommanderte laget sitt i kamp då Bremnes møtte Øygarden i første runde i cupen. På same måte som han har gjort dei siste åra.

Men det var ikkje ein sjølvsagt ting. Dette var første gong han leia laget heime på Bømlo etter at han vart gjeninnsett som trenar av eit nyvald styre i Bremnes IL.